सिन्धुलीः सिन्धुलीको मरिण गाउँपालिकामा गाउँपालिका स्तरीय छैठौं राष्ट्रपति रनिङ शिल्ड प्रतियोगिताको उद्घाटन समारोहलाई प्रमुख तीन दलले बहिस्कार गरेकाछन् ।
आज बिहिबार मरिण गाउँपालिका ६ स्थित मावि कपिलाकोटमा भएको उद्घाटन समारोहको प्रमुख अतिथी संघीय माननीय राजन दाहाललाई बनाएपछि नेपाली कांग्रेस, नेकपा एमाले र माओवादी केन्द्रका नेताहरुले सो कार्यक्रम बहिस्कार गरेको थाहा लागेको छ ।
कार्यक्रमममा आयोजक गाउँपालिकाले नेपाली कांग्रेस-एमाले र माओवादी केन्द्रलाई औपचारिक रुपमा आतिथ्यताका लागि पत्राचार गरेको थियो । हिजो बुधवार साँझ सत्ता साझेदार दल नेपाली कांग्रेस र एमाले नेताहरुका बीचको छलफलपछि दाहाल प्रमुख अतिथि हुने कार्यक्रम बहिस्कार गर्ने निर्णय गरेका थिए । सो कार्यक्रममा माओवादी केन्द्रको संस्थापन पक्षले पनि बहिस्कार गरेपछि त्यसले चर्चा पाएको हो ।
स्मरणीय छः गत वर्ष तत्कालिन माओवादी अभियानका जिल्ला संयोजक महेश्वर दाहाललाई दाहाल पत्नी दिपा दाहाल र पुकार न्यौपानेले आक्रमणको प्रयास गरेको तथ्य बाहिरिएपछि मरिण पालिका कमिटीको पूर्ण बैठकले उनीहरुलाई पार्टीको कुनै पनि कार्यक्रममा आमन्त्रण नगर्ने निर्णय गरेको थियो । सो नर्णयमा पालिका प्रमुख प्रख्यात मुक्तानसमेतले हस्ताक्षर गरेका थिए । आफैंले निर्णय गर्ने र सोही निर्णयको उलंघनगर्दै सांसद दाहाललाई प्रमुख अतिथी बनाएपछि माओवादीको संस्थापन पक्षले कार्यक्रम बहिस्कार गरेको बताइएको छ ।
सो प्रतियोगिताको उद्घाटन गर्दै दाहालले शारिरिक रुपमा स्वस्थ हुनेहरुनै मानसिक रुपमा स्वस्त हुने बताउँदै प्रतियोगिताले बालबालिकाहरुमा खेलको माध्यमबाट राष्ट्रप्रति समर्पीत हुन उत्प्रेरणा गर्ने बताएका थिए ।
यस्तै मरिण गाउँपालिकाका अध्यक्ष मोक्तानले गाउँपालिकाको शैक्षिक जगतलाईनै माथि उठाउने गरी छैठौं राष्ट्रपति रनिङ शिल्ड प्रतियोगिताको आयोजना गरिएको बताए ।
सिन्धुलीका प्रमुख जिल्ला अधिकारी लिलाराज शर्माले कुनैपनि देशको विकास र समृद्धिको रुपमा नागरीकहरुमा शारिरिक रुपमा स्वस्थ हुनुका साथै मानसिक रुपमा पनि स्वस्थ हुन जरुरी रहेको भन्दै त्यसका लागि अनुशासन सहित खेल क्षेत्रबाट विद्यार्थीहरुमा सहयोग पु¥याउने बताए ।
केही दिन अगाडि सिन्धुलीमा सम्पन्न एमाले जिल्ला कमिटी बैठकले सांसद दाहालको अराजकता बिरुद्धका गतिविधीको खुलेर प्रतिवाद गर्ने निर्णय गरेको थियो । सांसद दाहालले एमाले अध्यक्ष एव्म पार्टीका विरुद्ध गलत अभिव्यक्ति दिएर सांसद पदकै अपमान गरेकाले एमालेले उनको अराजनैतिक गतिविधको प्रतिरोध गर्ने निर्णय गरेको प्रचार विभाग प्रमुख कर्ण घिसिङले बताए ।