काठमाडौं । भक्तपुरको गठ्ठाघर चोकमा सवारी दुर्घनामा परी एक महिलाको ज्यान गएको छ ।
ट्रकले स्कुटरलाई ठक्कर दिंदा ४१ वर्षीया नविना देउलाको ज्यान गएको हो । भक्तपुरबाट काठमाडौंतर्फ जाँदै गरेको ना ८ ख २३११ नम्बरको १२ चक्के ट्रकले आज बिहान ७ बजे सोही दिशातर्फ गइरहेको बा.प्र. ०२-०३८ प ४४०१ नम्बरको स्कुटरलाई ठक्कर दिंदा नवीनाका श्रीमान् जिते देउला घाइते छन् । उनको उपचार नागरिक अस्पतालमा भइरहेको जिल्ला प्रहरी परिसर भक्तपुरले जनाएको छ ।
ट्रक चालक मकवानपुरगढी–४ का ३८ वर्षीय बुद्ध बहादुर घलानलाई प्रहरी वृत्त ठिमीले नियन्त्रणमा लिएको छ ।
प्रतिक्रिया