२०८३, १ मंसिर मंगलबार

एमालेले भन्यो : काठमाडौंको सभा अराजकता विरुद्ध

एमालेले भन्यो : काठमाडौंको सभा अराजकता विरुद्ध


काठमाडौं । नेकपा एमालेले भोलि दरबारमार्गमा गर्ने सभा अराजकताविरुद्ध सन्देश हुने जनाएको छ । बानेश्वरस्थित एक होटलमा पत्रकारहरुसँग अन्तर्क्रिया गर्दै एमाले नेताहरुले ७ मंसिरमा दरबारमार्गमा हुने सभाबारे जानकारी दिएका थिए । अन्तर्क्रियामा नेताहरुले देशभित्र केही भइरहेको छ भन्ने सन्देश दिनु सभाको उद्देश्य रहने भन्नुभयो ।

‘भइरहेका कुराहरुलाई सम्पूर्ण रुपले पर्दा लगाएर देश बर्बाद भइरहेको छ भन्ने निराशाको खेती गर्ने प्रयत्न भइरहेको छ, त्यसमा केही बोल्नुपर्छ भन्ने हो । सडक कब्जा गर्ने उद्देश्य होइन’, उपमहासचिव प्रदीपकुमार ज्ञवालीले भन्नुभयो । सभा मार्फत् एमाले कार्यकर्ता र जनतालाई सत्य कुरा भन्न लागेको ज्ञवालीले भन्नुभयो । अराजकता सह्य नहुने सत्य जनसभा मार्फत् भन्न लागेको उल्लेख गर्नुभयो ।

‘अरु कुरामा हामी माक्र्सलाई धेरै फलो गर्छाै, यस मामलामा (स्वतन्त्रता) धेरैजसो भोल्टियरलाई कोट गर्ने गरेको छु’ ज्ञवालीले भने, ‘उनले भन्छन् कि तपाईंका विचारसँग असहमत छु, तर तपाईंले बोल्न पाउने अधिकारका निम्ति चाहिँ जीवनभर लडिरहनेछु, नेकपा एमालेको हकमा यही कुरा लागू हुन्छ ।’ तर अहिलेको अराजकताले लोकतन्त्र कमजोर पार्ने बताउनुभयो ।

यद्यपि अराजकताको समाधान जनसभा नरहेको पनि ज्ञवालीले स्वीकारे । ‘समाधान डेलिभरी नै हो । तर डेलिभरी भइरहेको छ भन्ने कुरा मान्छेले बुझ्नै चाहेन भने बुझाउन सकिएन भने डेलिभरीबाट जाग्नुपर्ने आशा पनि जाग्दैन’, उनले भने । पत्रकारहरुले भने अराजकता फैलाएको आरोपमा पक्राउ परेका दुर्गा प्रसाईंबारे एमालेले विगतमा गरेको निर्णयमाथि प्रश्न उठाएका थिए । यसमा उपमहासचिव ज्ञवलीले विगतमा गल्ती भएको बताउनुभयो ।

‘दुर्गा प्रसाईं हाम्रो पार्टीको केन्द्रमा पनि पुगे । अब कसरी पुगे त्यसमा हामीले पर्याप्त ध्यान पुर्‍याउन सकेनौं भन्ने कुरा सबैलाई रियलाइजेसन भएकै कुरा हो । त्यसमा चाहिँ आगामी दिनमा ध्यान दिनुपर्छ’, ज्ञवालीको जवाफ थियो ।

प्रकाशित मिति : २०८१, ५ मंसिर बुधबार  ८ : ५३ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा