सियोलः कोरियाली प्रजातान्त्रिक गणतन्त्रका सशस्त्र सेनालाई फायर खोल्ने तयारी अबस्थामा रहन निर्देशन दिइएको छ । राज्य सञ्चालित मिडियाका अनुसार कोरियाली प्रायद्वीपमा बढ्दो तनावको बीचमा उत्तर कोरियाली हवाई क्षेत्रमा ड्रोन घुसपैठ गरिएपछि सेनालाई उक्त निर्देशन दिइएको हो ।
कोरियन पीपुल्स आर्मी (केपीए) को जनरल स्टाफले १२ अक्टोबरमा दक्षिणी सीमानामा रहेको संयुक्त तोपखाना इकाइहरूलाई प्रारम्भिक अपरेसन आदेश जारी गरेको थियो । केपीएले ती एकाइहरूलाई फायरको लागि पूर्ण रूपमा तयार हुनको लागि निर्देशन दिइएको कोरियाली रक्षा मन्त्रालयको एक बिज्ञप्तीमा उल्लेख गरिएको सेन्ट्रल न्यूज एजेन्सी केसिएनएले जनाएको छ ।
कोरियाली प्रायद्वीपमा गम्भिर टच र सैन्य तनाव व्याप्त छ किनभने दक्षिण कोरियाले उत्तर कोरियाको सार्वभौमसत्तामा ड्रोनको घुसपैठ गरेको बताइएको छ । विकसित परिस्थितिको कुनै पनि घटनाक्रमको सामना गर्नका लागि आफ्ना सैन्य इकाइहरूलाई तयारी गर्नुपर्ने आवश्यकतालाई जोडदिंदै उत्तरकोरियाले आगामी सशस्त्र द्वन्द्वको सम्भावनालाई नकार्न सकिँदैन भनेको छ । यो प्रकरणसँगै प्योङयाङमा वायुरोधी पर्यवेक्षण पोष्टहरूलाई बलियो बनाइएको छ ।
विदेश मन्त्रालयले भन्योः यसले पहिलेनैं निर्णय गरिसकेको छ कि दक्षिण कोरियाली सेना ड्रोन घुसपैठको शृंखला पछाडि छ । त्यसैले हाम्रो आकाशमा देखिने ड्रोनलाई कारबाही गरिनेछ, कुनै पनि ड्रोन देखिए त्यसलाई युद्धको घोषणा मानिन्छ ।
कोरियाली वर्कर्स पार्टी केन्द्रीय समितिका उप विभाग निर्देशक किम यो जोङले एक विज्ञप्ति जारी गर्दै रिपब्लिक अफ कोरिया (आरओके) सेनाले हतासपूर्ण कार्य गर्नबाट अलग रहनु पर्छ र तत्काल अर्को देशको हवाई क्षेत्र उलंघन गर्ने उक्साहटको पुनरावृत्ति रोक्नको लागि ग्यारेन्टी गर्न रोज्नुपर्छ ।
यता दक्षिण कोरियाली सेनाले आरोप अस्वीकार गर्दै ड्रोन नपठाएको योनहाप समाचार एजेन्सीले संयुक्त चिफ अफ स्टाफलाई उद्धृत गर्दै भनेको छ ।
प्रतिक्रिया