२०८२, १६ श्रावण शुक्रबार

विश्व च्याम्पियन अर्जेन्टिना कोलम्बियासँग पराजित

विश्व च्याम्पियन अर्जेन्टिना कोलम्बियासँग पराजित


काठमाडौं । अर्जेन्टिनाले मंगलबार दक्षिण अमेरिकी विश्वकप छनोट अन्तर्गतको खेलमा कोलम्बियासँग २–१ को हार बेहोरेको छ ।

यस हारसँगै अर्जेन्टिनाले छनोटमा दोस्रो हार सामना गर्नु परेको हो ।  अर्जेन्टिनाका स्टार खेलाडी लियोनल मेसीको अनुपस्थितिमा खेलेको यो खेलमा कोलम्बियाले प्रभावशाली प्रदर्शन गर्दै जीत हात पार्न सफल भयो । कोलम्बियाले अर्जेन्टिनासँग कोपा अमेरिका फाइनलमा सामना गरेको हारको बदला समेत लिएको छ ।

खेलको शुरुवातमै, कोलम्बियाले येरसन मोस्क्वेराको गोलको माध्यमबाट अग्रता लिन सफल भयो । तर, अर्जेन्टिनाले लामो समयसम्म पछि नपर्दै निकालेस गोन्जालजले गोल गर्दै खेललाई १–१ को बराबरीमा ल्याए । जेम्स रोड्रिग्वेजको पेनाल्टीले कोलम्बियालाई जीत दिलायो । खेलको ६० औं मिनेटमा  कोलम्बियालाई पेनाल्टीको अवसर प्राप्त भयो । अर्जेन्टिनी डिफेन्डर निकोलस ओटमन्डीले कोलम्बियन खेलाडी ड्यानिएल मुनोजलाई लडाएपछि भिडियो असिस्टेन्ट रेफ्रीको सहयोगमा पेनाल्टीको अवसर दिइयो । जेम्स रोड्रिग्वेजले यस पेनाल्टीलाई सजिलै गोलमा परिणत गर्दै कोलम्बियालाई २–१ को अग्रता दिलाए, जुन अन्ततः निर्णायक साबित भयो ।

अर्जेन्टिना शीर्ष स्थानमा यथावत

हारका बाबजुद अर्जेन्टिना दक्षिण अमेरिकी विश्वकप छनोटको लिग तालिकामा शीर्ष स्थानमै रहेको छ । अर्जेन्टिनाको १८ अंक रहेको छ भने कोलम्बिया १६ अंकका साथ दोस्रो स्थानमा उक्लिएको छ ।

मंगलबारका अन्य खेलहरूमा इक्वेडरले पेरुलाई १–० ले पराजित गर्दा, बोलिभियाले चिलीलाई २–१ ले हराउन सफल भयो । भेनेजुएला र उरुग्वेबीचको खेल भने गोलरहित बराबरीमा टुंगियो ।

प्रकाशित मिति : २०८१, २६ भाद्र बुधबार  ११ : २७ बजे

सचिव नेतृत्वमा सिफारिस समिति नहुने : सञ्चार मन्त्री गुरुङ

काठमाडौं । सञ्चार तथा सूचना प्रविधिमन्त्री पृथ्वीसुब्बा गुरुङले मिडिया काउन्सिलसम्बन्धी

मिडिया स्वतन्त्र र उत्तरदायी बनाउनेगरी विधेयक आउनुपर्नेमा जोड

काठमाडौं । शिक्षा, स्वास्थ्य तथा सूचना प्रविधि समितिको शुक्रबार बसेको

राष्ट्रिय गौरवको आयोजनामा २६ प्रतिशत भौतिक प्रगति भएको जानकारी

काठमाडौं । संघीयता सबलीकरण तथा राष्ट्रिय सरोकार समितिको शुक्रबार बसेको

आज पहिलोपटक मनाइँदैछ ‘राष्ट्रिय कोदो दिवस’ वार्षिक कोदो उत्पादन ३ लाख मेट्रिक टन नाघ्यो

काठमाडौं । नेपालको कृषि प्रणालीमा सदियौँदेखि महत्व राख्दै आएको परम्परागत

नेपाल राष्ट्र बैंकद्वारा आजको विदेशी मुद्राको विनिमयदर सार्वजनिक

काठमाडौं । नेपाल राष्ट्र बैंकले आज (शुक्रबार) का लागि विदेशी