२०८२, २२ जेष्ठ बिहीबार

बालुवाटारमा ‘पिपुल्स लाइब्रेरी’ बनाउँदै राधिका शाक्य

बालुवाटारमा ‘पिपुल्स लाइब्रेरी’ बनाउँदै राधिका शाक्य


काठमाडौं । प्रधानमन्त्रीको सरकारी निवास बालुवाटारमा रहेको पुस्तकालयलाई नागरिक पुस्तकालय बनाइने भएको छ । त्यसको लागि प्रधानमन्त्री पत्नी राधिका शाक्यले पहलकदमी लिनुहुने भएको छ ।

बालुवाटारमा खाली रहेको पुस्तकालय कोठामा पिपुल्स लाइब्रेरी बनाउन लागिएका हो । अहिले खाली जस्तै रहेको सो पुस्तकालयमा पुस्तक राख्ने ६० वटा तख्ता रहेका र त्यसमा मिलाएर राख्दा १ हजार २ सयदेखि २ हजारसम्म पुस्तक अट्ने प्रधानमन्त्री केपी ओलीले जानकारी दिनुभएको छ ।

सो पुस्तकालयमा सबैले पढेर मन पराएका पुस्तक राख्ने राधिकाको योजना छ । लेखकले हस्ताक्षर गरेर दिएका र पाठकले मन पराएर हस्ताक्षर गरी पठाएका पुस्तक सो पुस्तकालयमा राखिने भएको छ । पुस्तकालयको व्यवस्थापनमा राधिका आफै खट्नु हुने भएको छ । त्यसको लागि उहाँले हप्तामा ६ दिन एकरएक घण्टाको समय छुट्याउनुहुने भएको छ ।

आफू किताब पढ्न र सङ्ग्रह गर्न रुचाउने व्यक्ति भएकोले घरमा पनि सकेसम्म पुस्तकहरूलाई व्यवस्थित रूपले संग्रहीत गरेर राखेको उहाँले बताउनुभएको छ । प्रधानमन्त्री कार्यालयमा पनि लाइब्रेरी रुम भनेर छुट्याएर राखेको देखपछि आफूलाई त्यहाँ पनि पुस्तकालय बनाउने इच्छा जागेको शाक्यले बताउनुभयो । ‘तपाईँहरूले बढी मेहनत गरेर लेखेका विभिन्न विषयमा आधारित किताबहरू यहाँ बस्ने जोसुकै प्रधानमन्त्रीज्यूहरूले पनि पढ्न सकियोस् भनेर यही भदौ १५ गते सेप्टेम्बर १ का दिन लाइब्रेरी दिवस परेको हुनाले यहाँ बालुवाटारमा पनि एउटा लाइब्रेरी स्थापना गर्न मन लागेको छ’, शाक्यले भन्नुभयो ।

उहाँले हस्ताक्षर गरेर पठाएका पुस्तकलाई सो लाइब्रेरीमा सुरक्षितसाथ सङ्गृहीत गरेर राख्ने विश्वास दिलाउनुभयो । ‘यसको रेखदेख म आफैँ गर्ने छु, कृपया तपाईँहरूको पुस्तकहरू ल्याइदिनुहुन अनुरोध गर्दछु’, शाक्यले भन्नुभयो ।

प्रकाशित मिति : २०८१, ३२ श्रावण शुक्रबार  २ : १७ बजे

प्रधानमन्त्रीसँग संक्रमणकालीन न्यायसम्बन्धी दुई आयोगका पदाधिकारीको छलफल

काठमाडौं । प्रधानमन्त्री केपी शर्मा ओलीसँग सत्य निरुपण तथा मेलमिलाप

आज जातीय भेदभाव तथा छुवाछुत उन्मुलन राष्ट्रिय दिवस

काठमाडौं । आज जातीय भेदभाव तथा छुवाछुत उन्मुलन राष्ट्रिय दिवस

राइड सेयरिङमा बढी भाडा लिए जानकारी दिन नेपाल प्रहरीको अनुरोध

काठमाडौं । यातायात व्यवसायीले यातायात बन्दको घोषणा गरेपछि राइड सेयरिङ

राष्ट्रपति पौडेलद्वारा रातो मच्छिन्द्रनाथको भोटो जात्रा अवलोकन

ललितपुर । राष्ट्रपति रामचन्द्र पौडेलले वर्षा र सहकालका देवता रातो

गणतान्त्रिक शक्तिहरूबीचको सहकार्य मजबुत बनाउनु आजको आवश्यकता :अध्यक्ष प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले गणतान्त्रिक