२०८२, १७ श्रावण शनिबार

विराटनगरको रानीमा झडप: डिएसपीसहित ७ प्रहरी घाइते

विराटनगरको रानीमा झडप: डिएसपीसहित ७ प्रहरी घाइते


विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा नगराउन जारी गरेको अपिलसँगै विराटनगरको रानीमा झडप भएको छ। विराटनगर-१५ स्थित राम मन्दिर क्षेत्रमा भेला भएका कृही युवा समूहले सभा गरेपछि प्रहरीले दुईजनालाई नियन्त्रणमा लिएको छ।

सभा नगर्न प्रहरीले अपिल गरेपनि भेला जारी राखिएपछि प्रहरीले भेला भएका मध्येबाट विराटनगर- १५ का २६ वर्षीय राजन झा, विराटनगर -१५ कै २४ काे रितेश झालाई नियन्त्रणमा लिएको हो।

उनीहरूको पक्राउलाई लिएर बेलुका करिब ५ बजे युवा समूहले आन्दोलन गर्दै घटनास्थलमा रहेको प्रहरी टोलीमाथि ढुङ्गामुढा प्रहार गरेको थियो ।

यसक्रममा प्रहरी नायब उपरीक्षक वेदप्रकाश जोशीसहित ७ जना प्रहरी घाइते भएका छन् । प्रहरीका अनुसार अपरान्ह करिब साढे ३ बजे मन्दिर अगाडि ८-९ जनाकाे युवा समूह भेला भएको थियाे ।

घटनापछि, स्थिति नियन्त्रणमा लिन प्रहरीले ८ सेल अश्रुग्यास प्रहार गरेकाे माेरङ प्रहरीले जनाएको छ ।

मोरङ प्रहरीका अनुसार ढुङ्गामुढामा प्रहरी नायब उपरिक्षक जोशीसहित वरिष्ठ प्रहरी नायव निरीक्षक रुपेश थपलिया, प्रहरी सहायक निरीक्षक कमल पौडेल, हवल्दार ममता चौधरी, सहायक हवल्दार सुशील खड्गा, रामकुमार विक र लक्ष्मण मण्डल घाइते भएका हुन्।

उनीहरूको विराटनगरका विभिन्न असपतालमा उपचार भइरहेको छ। बुधबार रामनवमीका अवसरमा रानी क्षेत्रमा मोटरसाईकल र्‍यालीमा अवरोध हुँदा दुई पक्षबीच झडप भएको थियो । सो क्रममा ५ जना प्रहरी र १ जना बालक घाइते भएका थिए ।

प्रकाशित मिति : २०८१, ६ बैशाख बिहीबार  ९ : ५२ बजे

कप्तान साबित्रा भण्डारी ‘साम्बा’ लाई मकवानपुरमा विशेष सम्मान

हेटौंडा । राष्ट्रिय महिला फुटबल टोलीकी कप्तान साबित्रा भण्डारी ‘साम्बा’

जेन्जी पुस्तालाई कांग्रेससँग नजोडे लोकतन्त्र र पार्टी दुवै कमजोर हुन्छ : डा शेखर कोइराला

बिराटनगर । नेपाली कांग्रेसका नेता डा.शेखर कोइरालाले अहिलको युवा (जेन्जी)

रुसी राष्ट्रपति पुटिनद्वारा ओरेस्निक हाइपरसोनिक मिसाइल सेवामा प्रवेश गरेको घोषणा

काठमाडौँ । रुसी राष्ट्रपति भ्लादिमिर पुटिनले रूसले विकास गरेको नवीनतम

वाम आन्दोलनका अगुवा नेता तुल्सीलाल अमात्यको योगदान अतुलनीय : प्रधानमन्त्री ओली

काठमाडौं । नेपालको वामपन्थी आन्दोलनका नेता तुल्सीलाल अमात्यको योगदान नेपाली

एमाले रसुवाका अध्यक्ष जनार्दन ढकालद्वारा पुन : पार्टीमै फर्कने घोषणा

काठमाडौँ । नेकपा (एमाले) रसुवा जिल्ला अध्यक्ष जनार्दन ढकालले पुनः