काठमाडौं । सुनको भाउ आज हालसम्मकै उच्च भएको छ । सुनको मूल्य एकै दिन प्रतितोला २ हजार ६०० रुपैयाँले वृद्धि भएको छ । बुधबारको तुलनामा बिहीबार प्रतितोला २ हजार ६०० रुपैयाँले वृद्धि भएर छापावाला सुन प्रतितोला एक लाख २७ हजार ८०० रुपैयाँ र तेजाबी सुन प्रतितोला एक लाख २७ हजार २०० रुपैयाँमा कारोबार भइरहेका नेपाल सुनचाँदी व्यवसायी महासङ्घले जनाएको छ ।
बुधबार छापावाला सुन प्रतितोला एक लाख २५ हजार २०० र तेजाबी सुन प्रतितोला एक लाख २४ हजार ६०० रुपैयाँमा कारोबार भएको थियो । यसैगरी, चाँदीको मूल्य बिहीबार प्रतितोला एक हजार ५५५ रुपैयाँमा कारोबार भइरहेको छ ।
प्रतिक्रिया