२०८१, ३० फाल्गुन शुक्रबार

विदेशबाट फर्किदा मोबाइल, टिभी, घडी, सुनजस्ता सामान अरूको नबोक्नुहोस्, ल्याएका सामानको स्वघोषणा गर्नुहोस्

विदेशबाट फर्किदा मोबाइल, टिभी, घडी, सुनजस्ता सामान अरूको नबोक्नुहोस्, ल्याएका सामानको स्वघोषणा गर्नुहोस्


काठमाण्डौ । त्रिभुवन अन्तर्राष्ट्रिय विमानस्थल भन्सार कार्यालयले विदेशबाट फर्कने नेपालीहरूलाई मोबाइल, टिभी, घडी, सुनजस्ता सामान अरूको बोकेर नआउन अनुरोध गरेको छ ।

स्वदेश फर्कन लागेका नेपालीहरूलाई विमानस्थलमा अपरिचित व्यक्तिहरूले विभिन्न प्रलोभनमा पारी नेपालको विमानस्थलसम्म पुर्‍याइदिन भन्दै मोबाइल, टिभी, घडी र सुन लगायत अन्य इलेकट्रोनिक सामान पठाउने क्रम बढेको भन्दै कार्यालयले यस्तो सामान साथमा नल्याउन अनुरोध गरेको हो ।

पछिल्लो समय विदेशबाट नेपाल फर्कनेहरूले साथमा ल्याउन पाउने गरी कानुनले तोकेभन्दा बढी सामानहरू ल्याउने क्रम बढेको छ ।

कानुनले तोकेभन्दा बढी सामान ल्याउनेहरूलाई सोधपुछ गर्दा नचिनेको र कतिपयले भने साथीभाइको सामान समेत बोकेर आउँदा भन्सार कार्यालयमा झमेला हुने गरेको छ । कतिपय व्यक्तिहरूले टिभी, घडीजस्ता चिजमा सुन लुकाएर पठाउने गर्दा विदेशमा काम गरेर फर्किएकाहरू कानुनी झमेलामा समेत परेका छन्।

त्यसैले विमानस्थल भन्सार कार्यालयले कानुनले तोकेभन्दा बढी समान नल्याउन आग्रह गरिरहेको छ । केही दिनअघि मात्र टिभी भित्र लुकाई सुन ल्याएका एक जना विमानस्थलमा सुरक्षा जाँचको क्रममा पक्राउ परेका छन् ।

कानुन अनुसार सुन, मोबाइल, ल्यापटप, घडी लगायतका समान ल्याउँदा विमानस्थलको भन्सार कार्यालयको यात्रु जाँच पास शाखामा रहेको स्वघोषणा कक्षमा स्वयम घोषणा गर्नुपर्छ ।

आफूसँग भएका सामानको स्वघोषणा गरेर भन्सार प्रक्रियामा अघि बढ्दा भन्सार प्रशासन तथा सुरक्षा निकायको झमेलामा परिँदैन ।

यस्तै विमानस्थल भन्सार कार्यालयले विदेशबाट आउँदा सकेसम्म इमरजेन्सी लाइन, पावर ब्याङ्क, आइरन, हेयर ड्रायर, मिक्स्चर, पानी तान्ने मेशिन लगायतका सामान नल्याउन आग्रह गरेको छ ।

यस्तो सामानको सुरक्षा जाँचको प्रक्रिया झन्झटिलो हुने र समय पनि लामो लाग्ने भएकालाई यात्रुलाई असुविधा नहोस् भनेर यस्तो अनुरोध गरिएको कार्यालयले जनाएको छ ।

प्रकाशित मिति : २०८०, २६ आश्विन शुक्रबार  ५ : ३७ बजे

कला र साहित्यले विश्वव्यापी भाइचारालाई मजबुत बनाउँछ : पूर्वराष्ट्रपति

काठमाडौं । पूर्वराष्ट्रपति विद्यादेवी भण्डारीले कला र साहित्यले हाम्रा भगोलिक

देशको आर्थिक अवस्था सुखद छैन् गृहमन्त्री लेखक

काठमाडौं । गृहमन्त्री रमेश लेखकले पछिल्लो समय देशको आर्थिक अवस्था

साँखुमा स्कुल बस दुर्घटना : छ जनाकाे मृत्यु, ४० घाइते 

काठमाडौं: काठमाडौंको शंखरापुर नगरपालिका ५ स्थित साँखु–नगरकोट सडखण्डमा स्कुल बस

प्रचण्डको अभिव्यक्तिमा एमालेको आपत्ति

काठमाडौं । नेकपा एमालेका प्रमुख सचेतक महेश बर्तौँलाले नेकपा माओवादी

हामीले क्रान्तिका कुरा गर्यौं तर हुलाक सेवालाई परिवर्तन गर्न सकेनौं’

काठमाडौं । सञ्चार तथा सूचना प्रविधिमन्त्री पृथ्वी सुव्वा गुरुङले राजनीतिक