पोखरा । नेकपा ( एमाले )गण्डकी प्रदेश कमिटीको नयाँ नेतृत्वको लागि भएको मतदान सकिएको छ । गण्डकी प्रदेशका ११ जिल्ला र जनसंगठनका गरी ९ सय ८ जना प्रतिनिधि रहेकोमा ८ सय ८७ जनाले मतदान गरेको अधिकृत सुरेन्द्र थापा मगरले बताए। जनाएको छ । निर्वाचन कार्यालयका अनुसार २१ जना प्रतिनिधिलेमतदानमा अनुपस्थित भएका छन् ।

मतदानका लागि झण्डै २० मिनेट समय लाग्ने भएकोले निर्धारित समयमा मतदान सम्पन्न हुन नसकेको प्रतिनिधिहरुले बताएका छन् । निर्वाचन तालिका भन्दा झण्डै ४ घण्टा ढिला मतदान सम्पन्न भएको हो ।

अधिवेशनमा नवराज शर्मा र लमजुङका मायानाथ अधिकारीबिच नेतृत्वको लागि प्रतिष्पर्धा रहेको छ । यसैगरी उपाध्यक्षमा बाबुराम विक र मिनप्रसाद गुरुङ, सचिवमा रश्मि आचार्य र धनञ्जय दवाडी, उपसचिवमा सन्तोष रावल र दाम बहादुर विक, उपसचिव महिलामा कास्कीकी मिना गुरुङ र मञ्जु अधिकारी प्यासी प्रतिष्पर्धामा छन् ।