विराटनगर । नेकपा एमाले कोशी प्रदेशमा नयाँ नेतृत्वका लागि भएको मतदान आज विहान सम्पन्न भएको छ । नयाँ नेतृत्वका लागि भएको मतदानमा ९ सय ७७ मत खसेको निर्वाचन समितिले जनाएको छ ।

आइतबार राति १० बजेदेखि सुरू भएको मतदानमा ९९७ मध्ये ९७७ जनाले मतदान गरेको निर्वाचन समिति सयोजक चुडामणि आचार्यले बताए।. मतदान सोमबार विहान ५ बजे सकिएको थियो। आज दिउँसो १ बजेदेखी गणनाको तयारी गरिएको छ।

पाँच जना पदाधिकारीसहित २१५ सदस्यीय समितिमा ४ सय ५० जनाले प्रतिस्पर्धा गरेका छन।

प्रदेश अध्यक्षका लागि मोरङका घनश्याम खतिवडा र विनोद ढकालबीच प्रतिस्पर्धामा छन्। उपाध्यक्षमा टीकाराम चेम्जोङ निर्विरोध चयन भइसकेका छन्।

सचिवमा पाँचथरका राजकुमार भण्डारी र उदयपुरका शैलेश लामाबीच प्रतिस्पर्धा हुँदैछ। उपसचिवमा झापाकी जलवर्षा राजवंशी, मोरङका खेमराज नेपाली र खोटाङका देवान राई मैदानमा छन।