काठमाडौं । पूर्वअरनिको कम्पनीले निर्माण तथा सञ्चालनमा ल्याएको जडिबुटीस्थित बसपार्क तत्काल नभत्काउन उच्च अदालत पाटनले अल्पकालीन अन्तरिम आदेश दिएको छ । न्यायाधीश गोकर्ण डाँगीको इजलासले यस्तो आदेश दिएको हो । बसपार्कबारे उच्च अदालतले २१ गते निर्णय दिने भएको छ ।

उच्च अदालतले पूर्वअरनिको कम्पनीले निर्माण तथा सञ्चालन गर्ने बसपार्क काठमाडौं महानगरपालिकाले भत्काइदिने भनेपछि उक्त कम्पनी अदालत पुगेको थियो । महानगरले एक बसपार्क नीति लिएको भन्दै महानगरभित्र अन्यत्र बसपार्क सञ्चालन नगर्न भनेको हो । साथै, प्रदेश र स्थानीय तहसँग बसपार्क सञ्चालनका लागि अनुमति नलिएकाले सञ्चालन गर्न नदिने अडानमा महानगर छ ।