काठमाडौं । नेकपा माओवादी केन्द्रका दुई पूर्व केन्द्रीय सदस्यहरु कुलानन्द गिरी र सानुमाया मगर नेकपा एमालेमा प्रवेश गरेका छन् ।
नेताद्धयलाई एमाले अध्यक्ष केपी शर्मा ओलीले खाता टिका लगाएर एमाले प्रवेश गराएका हुन । गिरी लामो समय रोल्पाको शैक्षिक विकासमा परिचित नाम हुन् । माओवादीका उपाध्यक्ष तथा पूर्वसभामुख कृष्णबहादुर महराका सहपाटीसमेत रहेका गिरीलाई २०७४ सालको स्थानीय तहको निर्वाचनमा पार्टीले त्रिवेणी गाउँपालिकाको अध्यक्षको टिकट नदिएपछि माओवादीबाट विद्रोह गरेका थिए ।
गिरी पूर्व युवा तथा खेलकुदमन्त्री दलजीत श्रीपाइली, एमाले पूर्वसांसद गोकुल घर्तीलाई पढाउने शिक्षक समेत हुन । उनि रोल्पाको जुँगार माविको प्राचार्य पदबाट राजीनाम दिएर माओवादी युद्धमा होमिएका थिए ।