काठमाडौं । नेकपा (एमाले) निकट युवा बिद्यार्थी बिशेष जिल्ला कमिटी काठमाडौं क्षेत्र नं ३ मा नयाँ नेतृत्व चयन गरेको छ । शनिबार सम्पन्न युवा बिद्यार्थीको भेलाले गोबिन्द तामाङको अध्यक्षमा २१ सदस्य नयाँ नेतृत्व चयन गरेको हो ।

अध्यक्ष तामाङका अनुसार उपाध्यक्ष कमल श्रेष्ठ, सचिव बिजय श्रेष्ठ, उपसचिव प्रन श्रेष्ठ, उपसचिव रुपा राई लगायत रहेका छन् ।
भेला नेकपा (एमाले) उपत्यका विशेष प्रदेश कमिटीका अध्यक्ष प्रेम पराजुलीको प्रमुख आतिथ्यतामा सम्पन्न भएको थियो । निर्वाचित अध्यक्ष तामाङले आगामी दिनमा काठमाडौं ईलाका न ३ भित्र रहेका युवा र विद्यार्थीको हक अधिकार र रोजगारका विषयमा कार्यक्रम संचालन गर्ने योजना रहेको बताएका छन् ।