काठमाडौं । नेकपा माओवादी केन्द्रको हेटौंडा उपमहानगरको अध्यक्ष तथा जिल्ला सचिवालय सदस्य नमुना पाण्डे नेकपा एमालेमा प्रवेश गर्नुभएको छ । आज दिउँसो भक्तपुर बालकोटस्थित नेकपा एमाले अध्यक्ष केपी शर्मा ओली निवास पुगेर पाण्डे एमालेमा प्रवेश गर्नु भएको हो ।

उहाँलाई अध्यक्ष ओलीले खादा लगाएर पार्टीमा स्वागत गर्नु भयो । माओवादी केन्द्रको नेतृत्वले पार्टीलाई क्लबमा परिणत गरेको र यसबाट देश समृद्धितर्फ लम्कन नसक्ने देखेर एमाले रोजेको पाण्डेले बताउनुभयो । उहाँले देशमा एमाले मात्रै कम्युनिष्ट पार्टी रहेको बुझेर आफू एमालेमा प्रवेश गरेको सुनाउनुभयो ।

त्यस्तै उहाँले माओबादी केन्द्र मकवानपुर जिल्ला कमिटी सचिवालय तथा अनेम संघ हेटौडा उपमहानगर अध्यक्ष रहेर बसेको भएपनि माओवादी पुष्पकमल दाहाल ‘प्रचण्ड’ काङ्रेस र भारतको भरिया मात्र बनेको निष्कर्षसहित आफू नेपाली जनताको प्यारो पार्टी नेकपा ९एमाले० मा प्रबेश गरेको बताउनुभयो ।