धुलिखेल ३१ असार : काभ्रेको मण्डनदेउपुर नगरपालिकाका किसानलाई मिनी टिलर वितरण गरिएको छ । खेती गर्ने किसानलाई सहज होस् भनेर नगरपालिकाले अनुदानमा मिनी टिलर वितरण गरेको हो । १२ वटै वडाका किसानलाई ५० प्रतिशत अनुदानमा मिनी टिलर बितरण गरिएको नगरपालिकाले जनाएको छ ।
नगरका अनुसार जम्मा १५५ वटा मिनी टिलर बितरण गरिएको हो । मिनी टिलर वितरण गरेसँगै किसानलार्ई खेत जोत्न र सागसब्जी खेती गर्न सहज हुने भएको छ । यस्तै नगरपालिकाले नगरका किसानलाई उन्नत जातको बोयर बोका पनि बिरतण गरिएको छ । प्रत्येक वडामा १/१ वटा बोयर जातको बोका निसुल्क बितरण गरेको हो । १२ वटै वडाका किसानलाई निशुल्क बोयर जातको बोका बितरण गरिएको नगरपालिकाको कुषि शाखाले जनाएको छ ।
प्रतिक्रिया