धुलिखेल २० बैशाख सीडीओ र एसपीलाई कोरोना संक्रमण पुष्टि भएको छ । सिन्धुपाल्चोकमा कार्यारत प्रमुख जिल्ला अधिकारी (सीडीओ) र जिल्ला प्रहरी प्रमुख (एसपी) दुवै संक्रमित भएको हो ।
कोरोना संक्रमण पुष्टि भएपनि  जिल्लामा कोरोना नियन्त्रण, रोकथाम र न्युनीकरणका लागि आइसोलेसनबाटै कमाण्ड संहालिरहेको प्रमुख जिल्ला अधिकार अरुण पोखरेलले बताउनु भयो ।
अधिकारी पोखरेल एक साता अघि कोरोना संक्रमण पुष्टि भएपछि सरकारी क्वार्टरमै आइसोलेट भएका छन् । त्यस्तै एसपी राजन अधिकारी पनि जिप्रकाकै क्वार्टरमै आइसोलेट छन् ।

जिल्लामा कोरोना नियन्त्रण, रोकथाम र न्युनीकरणका लागि संचालित अभियानमा भौतिक रुपमा मात्रै आफू कार्यालयमा उपस्थिति नभएको तर गर्नुपर्ने निर्णय र दिनु पर्ने निर्देशन सबै भर्चुअल माध्यमबाटै गरिरहेको प्रजिअ पोखरेलले बताए ।