शंकर पोखरेल पुन बने : लुम्बिनी प्रदेशको मुख्यमन्त्री

काठमाडौ १९ वैशाख : लुम्बिनी प्रदेशको मुख्यमन्त्रीमा शंकर पोखरेल पुनः नियुक्त भएका छन् ।

प्रदेश प्रमुख धर्मनाथ यादवले संविधानको धारा १६८ १ बमोजिम पुनः मुख्यमन्त्री नियुक्त गरेका हुन् । पोखरेल नेकपा एमाले लुम्बिनी संसदीय दलका नेता पोखरेल समेत हुन् ।

तीन वर्षअघि धारा १६८ २ अनुसार मुख्यमन्त्री बनेका पोखरेलले आइतबार विहान मात्र राजीनामा दिएका थिए । राजीनामा दिएलगतै उनले बहुमत सदस्यको हस्ताक्षरसहित दाबी पेश गरेको प्रदेश प्रमुखको कार्यालयले जनाएको छ ।