काठमाडौँ २५ फागुन । यस वर्षको एसईई तथा कक्षा १२ को परीक्षा आगामी जेठमा हुने भएको छ । राष्ट्रिय परीक्षा बोर्डको मंगलबार बसेको बैठकले एसईई जेठ १३ देखि २४ गतेसम्म सञ्चालन गर्ने निर्णय गरेको हो । त्यस्तै बैठकले कक्षा १२ को परीक्षा जेठ २६ देखि सुरु गर्ने निर्णय पनि गरेको छ ।
यसअघि बोर्डले नै सञ्चालन गर्दै आएको कक्षा ११ को परीक्षा भने यसपाली सम्बन्धित स्कुलले नै लिने गरी जिम्मा लगाइएको छ ।
विगतमा एसईई चैतमै हुँदै आएकामा यसपालि कोरोना महामारीका कारण कक्षा प्रभावित भएकाले धकेलिएको हो । सरकारले यस वर्षको शैक्षिक सत्र जेठसम्म कायम गरेको छ ।
प्रतिक्रिया