काठमाडौँ, २० फागुन । नेकपा ओली समूहले फागुन २२ गते दिउँसो ३ बजे संसदीय दलको बैठक बोलाएको छ । फागुन २३ गते संसद बैठक बस्ने भएकाले त्यसको अघिल्लो दिन दलका नेता प्रधानमन्त्री केपी ओलीले बैठक आह्वान गरेका हुन् । बैठक संसदको ल्होत्से हलमा बस्नेछ ।
बैठकबारे नेकपाका १७३ जना सांसदलाई एसएमएसमार्फत सूचना दिइएको उपनेता सुवासचन्द्र नेम्वाङले जानकारी दिए ।
यसअघि नेकपा प्रचण्ड माधव समूहले भने प्रधानमन्त्री ओलीलाई पार्टीको साधारण सदस्यबाट निश्कासन गरेको र उनले गरेका कुनै निर्णय मान्य नहुने पत्र संसद सचिवालयमा दर्ता गराएको थियो ।
प्रतिक्रिया