बुटवल १ फागुन । लुम्बिनी प्रदेशका मुख्यमन्त्री एवं नेकपा ओली समूहका नेता शंकर पोखरेलले रोल्पा र रुकुममा चुनाव जितेर दाहाल–नेपाल समूहलाई चेतावनी दिएका छन् । शनिबार ओली समूहको लुम्बिनी प्रदेशद्वारा आयोजित सभालाई सम्बोधन गर्दै प्रचण्डको आधार इलाका भनिएको रुकुम रोल्पामा पनि चुनावी जित्ने दाबी गरेका हुन् ।

एमालेको विभाजनबाट लाभ लिन खोज्ने प्रचण्डले जनयुद्धका कमाण्डरहरुले साथ गुमाएको भन्दै मुख्यमन्त्री पोखरेल भने– ‘आउने चुनावमा रोल्पा र रुकुममा केपी शर्मा ओलीको नेतृत्वमा विजयको झण्डा फहराउँदैछ भन्ने कुराको उद्घोष गर्न चाहान्छु ।’

मुख्यमन्त्री पोखरेलले माधव नेपालको ढाडमा टेकेर ओलीको टाउकोमा हिर्काउन खोज्दा पुष्पकमल दाहाल सडकमा पछारिएको बताए ।