२०८२, १९ असार बिहीबार

चुनाव दुनियाँको कुनै तागतले रोक्न सक्दैन : पौडेल

चुनाव दुनियाँको कुनै तागतले रोक्न सक्दैन : पौडेल


बुटवल १ फागुन । नेपाल कम्युनिस्ट पार्टी (नेकपा) ओली समूहका महासचिव एवं अर्थमन्त्री विष्णु पौडेलले आगामी वैशाखको चुनाव दुनियाँको कुनै तागतले रोक्न नसक्ने बताएका छन् । शनिबार ओली समूहको लुम्बिनी प्रदेशद्वारा आयोजित सभालाई सम्बोधन गर्दै उनले वैशाख १७ र २७ गते निर्वाचन दुनियाँको कुनै तागतले रोक्न नसक्ने दाबी गरेका हुन् ।

महासचिव पौडेलले भने– ‘म यहाँहरुलाई बताउन चाहन्छु, वैशाखमा चुनाव हुन्छ । वैशाखको १७ गते चुनाव हुन्छ । वैशाखको २७ गते चुनाव हुन्छ । दुनियाँको कुनै तागतले चुनावलाई रोक्न सक्दैन । म यहाँहरुलाई आग्रह गर्न चाहन्छु, यहाँहरु जनसभाबाट फर्किएपछि गाउँगाउँमा, टोलटोलमा, बस्तीबस्तीमा चुनावको तयारीमा लाग्नुहोस् । वैशाख १७ गतेको चुनावको तयारीमा लाग्नुहोस् ।’

महासचिव पौडेलले ओली नेतृत्वको नेकपामा जनमत रहेको भन्दै पार्टी आधिकारिकताको लागि योभन्दा ठूलो वैधानिकता अरु केही नहुने जिकिर गरे । उनले भने, ‘चुनाव चिह्न, सूर्य चिह्न कमरेड केपी शर्मा ओलीले नेतृत्व गरेको कम्युनिस्ट पार्टीसँग रहनेछ । यहाँहरुले आफ्नो हातमा रहिरहेको सूर्य चिह्नलाई आत्मविश्वासका साथमा फहराउनुस् ।’

महासचिव पौडेलले नेकपा विभाजन नभएको जिकिर गरे । नेकपाका इमानदार कार्यकर्ता, जनता तथा योद्धाहरुले नेकपालाई विभाजन गर्न नदिने उनको भनाइ छ ।

अर्थमन्त्री पौडेलले लुम्बिनी प्रदेशलाई विकासमा पछाडि पर्न नदिने प्रतिबद्धता पनि व्यक्त गरे । ओलीको नेतृत्वमा गोलबद्ध भएकाहरुले प्रदेशलाई समृद्ध बनाउँछौँ भन्ने आत्मविश्वाससाथ आफ्नो कार्यक्षेत्रमा फर्कन उनले कार्यकर्ताहरुलाई आग्रह गरे । पार्टीबाट केही स्वार्थी तत्व किनारा लागे पनि अलमलमा परेकाहरु आफ्नो पार्टीमा फर्कने र शक्तिशाली कम्युनिस्ट पार्टी निर्माण गरी पुनः एक कार्यकाल ओलीलाई प्रधानमन्त्री बनाउने उनले दाबी गरे ।

प्रकाशित मिति : २०७७, १ फाल्गुन शनिबार  १० : ४१ बजे

स्पेनका व्यवसायीलाई नेपालमा लगानी गर्न प्रधानमन्त्रीको आह्वान

काठमाडौं । प्रधानमन्त्री केपी शर्मा ओलीले नेपालमा लगानी विस्तार गर्न

मलेसियालाई हराउँदै नेपाल फाइनलमा प्रवेश

काठमाडौं । मलेसियामा जारी एसीसी यू–१६ इस्ट जोन कपमा मलेसियालाई

अरुण तेस्रो जलविद्युत आयोजनाको बिजुली बेच्न सम्झौता

काठमाडौं । अरुण तेस्रो जलविद्युत आयोजनाको बिजुली बेच्न सतलज जलविद्युत

५२ संवैधानिक पदाधिकारीको नियुक्ति सर्वोच्च अदालतबाट सदर

काठमाडौं । विवादमा परेका ५२ जना संवैधानिक पदाधिकारीहरूको नियुक्तिलाई सर्वोच्च

एमाले महासचिव शंकर पोखरेलको निर्देशन : नेतृत्वको बहश रोक्नु

काठमाडौं । नेकपा एमालेका महासचिव शङ्कर पोखरेलले नेतृत्वको बहश रोक्न