धुलिखेल ११ माघ : काभ्रेमा कोरोना भाइरसको उपचार र शव व्यवस्थापनमा खटिने स्वास्थ्यकर्मी, सुरक्षाकर्मीलाई सुरूमा कोरोना भाईरस विरुद्धको खोप दिने गरी तयारी अगाडि बढाएको छ ।

काभ्रेमा माघ १४ गते ३ हजार ५ सय ८१ जनाको लागि कोरोना विरुद्धको खोप ल्याउने तयारी भैरहेको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले बताउनुभयो

डाक्टर झाका अनुसार पहिलो चरणमा नमोबुद्ध नगरपालिका, तेमाल, रोशी र महाभारत गाउँपालिका भित्र रहेका सुरक्षाकर्मी र शव व्यवस्थापनमा खटिने स्वास्थ्यकर्मीहरुलाई मेथिनकोट अस्पताल भकुण्डेबेसीबाट खोप दिने तयारी गरेको छ ।

यसैगरी बनेपा, पनौती, धुलिखेल, पाँचखाल, मण्डनदेउपुर नगरपालिका र भुम्लु, चौरीदेउराली र खानीखोला गाउँपालिका भित्रका स्वास्थ्यकर्मी सुरक्षाकर्मीलाई धुलिखेल अस्पतालबाट खोप सेवा शुरु गरिने भएको छ ।