काठमाडौँ, ६ माघ  :  नेपालमा पछिल्लो २४ घण्टामा थप ३ सय ४८ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले गत २४ घण्टामा थप ३ सय ४८ जनामा कोरोना पुष्टि भएको जनाएको छ ।

यससँगै कुल संक्रमितको संख्या २ लाख ६७ हजार ९ सय ९२ जना पुगेको मन्त्रालयले जनाएको छ । पछिल्लो २४ घण्टामा थप ४ सय ४१ जना कोरोनामुक्त भएका छन् । योसहित निको हुनेको संख्या २ लाख ६२ हजार २ सय ५९ पुगेको छ ।
देशभर सक्रिय संक्रमितको संख्या ३ हजार ७ सय ६४ जना पुगेको छ । २४ घण्टामा थप ४ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या १ हजार ९ सय ६९ जना पुगेको मन्त्रालयले जनाएको छ ।

हालसम्म नेपालमा २० लाख २१ हजार ७ सय १४ जनाको पीसीआर परीक्षण भइसकेको छ ।