धुलिखेल ३ पुस  :  काभ्रेमा कोरोनाबाट महिला भन्दा धेरै  पुरुष संक्रमित भएका छन् । हालसम्म भएका संक्रमित मध्ये ३ हजार १ सय ५६ जना संक्रमित भएकोमा १ हजार ८ सय ८६ जना पुरुष र १ हजार २ सय ७० जना महिला संक्रमित रहेको जिल्ला स्वास्थ्य कार्यालय काभ्रेले जानाएको छ ।

त्यसैगरी निको हुनेमा पनि पुरुषको नै संख्या अगाडी रहेको छ । हाल जिल्लामा ३ हजार १ सय १५ जना निकोभएका मध्ये १ हजार ८ सय १३ पुरुष र १ हजार २ सय २ जना महिला रहेका छन् ।

यसैगरी आज काभ्रेमा थप ५ जनामा संक्रमण पुष्टि भएको छ । पुष्टि हुनेमा पनौती नगरपालिकाका ३ जना महिला, बनेपाका २ जना पुरुष र मण्डनदेउपुरका १ जना महिला रहेका छन् । आज २ जना डिस्चार्ज भएका छन् ।

हाल जिल्लामा ८८ जना होम आइसोलेसनमा रहेका छन् भने १२ जना जिल्लामा रहेकोे २ वटा अस्पताल आइसोलेसनमा रहेको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले बताउनुभयो ।