बनेपा १४ मंसिर  :  काभ्रेमा कोरोना भाईरस संक्रमित मध्ये आज ३८ जना निको भएर घर फर्किएका छन् ।  जिल्लाका संक्रमित मध्ये २ हजार ५ सय ७५ जना भाईरस मुक्त भएको स्वास्थ्य कार्यालय काभ्रेले जनाएको छ । यस्तै आईतबार जिल्लामा १४ जना संक्रमित थपिएका छन् ।

थपिएका संक्रमितहरुमा बनेपा नगरपालिकाका ५ जना पुरुष, धुलिखेल र पनौती नगरपालिकाका १÷१ जना पुरुष रहेका छन् । यस्तै पाँचखाल नगरपालिकाका १ पुरुष र १ महिला, नमोबुद्ध नगरपालिकाका १ पुरुष र १ महिला,भुम्लु,बेथानचोक गाँउपालिका र मण्डनदेउपुर नगरपालिकाका १/१ जना महिलामा संक्रमण पुष्टि भएको कार्यालयका जिल्ला स्वास्थ्य कार्यालयका प्रमुख डाक्टर नरेन्द्रकुमार झाले बताउनुभयो ।

योसँगै जिल्लामा संक्रमितको संख्या २ हजार ८ सय ७६ पुगेको छ । अझै जिल्लामा ११२ जना महिला र १५३ जना पुरुष गरी २ सय ६५ जना सक्रिय संक्रमित रहेका छन् । प्रमुख डाक्टर झाका अनुसार १० जना अस्पताल आइसोलेसनमा र २ सय ५५ जना होम आइसोलेसनमा छन् ।