धुलिखेल, २८ कात्तिकः काभ्रेमा ३८ जना कोरोना भाइरसका संक्रमित थपिएका छन् । स्वास्थ्य कार्यालयका अनुसार पछिल्लो २४ घण्टामा ३८ जना संक्रमित थपिएका हुन् ।

थपिनेमा सबैभन्दा बढी बनेपाल नगरपालिका ७ जना महिला, ५ जना पुरुष छन् । त्यस्तै पनौती नगरपालिकाका ६ जना पुरुष, ५ जना महिला र धुलिखेल नगरपालिकाका ४÷४ महिला र पुरुष रहेका छन् ।

यसैगरी मण्डनदेउपुर नगरपालिकाका ३ जना महिला र २ जना पुरुष रहेका छन् । पाँचखाल नगरपालिका र चौरीदेउराली गाउँपालिकाका १, १ जना पुरुष पनि संक्रमित भएको स्वास्थ्य कार्यालय काभ्रेले जनाएको छ । योसँगै जिल्लामा कोरोना भाइरसबाट संक्रमण हुनेको संख्या २२०४ पुगेको छ । जसमा पुरुष १३०८ जना र महिला ८९६ जना रहेका छन् ।

यसैबीच काभ्रेमा पछिल्लो २४ घण्टाभित्र २८ जना संक्रमित निको भएका छन् । योसँगै निको हुनेको संख्या १६३७ पुगेको छ । जसमा १०१४ जना पुरुष र ६२३ जना महिला छन् । जिल्लाका ४९७ जना संक्रमित होम आइसोलेसनमा छन् भने ४३ जना अस्पतालको आइसोलेसनमा रहेका छन् ।