धुलिखेल २७ कार्तिक काभ्रेमा आज कोरोना भईरसका संक्रमित मध्ये ५६ जनाले कोरोना जितेर घर फर्किएका छन् । योसँगै जिल्लाका संक्रमित मध्ये १ हजार ६ सय ९ जनाले भाइरसलाई जितेर घर फर्किएको स्वास्थ्य कार्यालय काभ्रेका प्रमुख डाक्टर झाले बताउनुभयो ।

यस्तै बिहिबार जिल्लामा थप ४७ जनामा कोरोना भाइरसको संक्रमण पुष्टि भएको छ । डाक्टर झाका अनुसार बनेपा नगरपालिकाका ६ जना महिला र १० जना पुरुष, धुलिखेल नगरपालिकाका १३ जना महिला र १० जना पुरुष, पनौतीका १ जना महिला र २ जना पुरुष, पाँचखालमा १ जना महिला, नमोबुद्धमा १ जना पुरुष रहेका छन् ।  यसैगरी बेथान्चोक गाउँपालिकामा १ जना पुरुष र रोशीमा १ जना पुरुष १ जना महिला रहेका छन् ।

योसँगै जिल्लामा संक्रमितको संख्या २ हजार १ सय ६६ पुगेको छ । जिल्लामा हाल ५ सय ३० जना सक्रिय संक्रमित छन् । उनीहरुमध्ये अस्पताल आइसोलेसनमा ४३ जना र होम आइसोलेसनमा ४ सय ८७ जना रहेका डाक्टर झाले बताउनुभयो । हाल सम्म जिल्लाका २७ जनाको कोरोना भाईरसका कारण ज्यान गएको छ ।