धुलिखेल, २६ कात्तिकः मण्डनदेउपुर नगरपालिकाको हिगुवापाटी–देउपुर–नगरकोट सडक खण्ड कालोपत्रे हुनेभएको छ । यस सडककाे पिचका लागि प्रदेश सरकारले १ करोड र नगरपालिकाकाले १ करोड गरी जम्मा २ करोड रकम बजेट विनियोजन गरिएको छ ।

यो सडकमा कालोपत्रेको काम छिट्टै सुरु गरिने नगरपालिकाका प्रवक्ता डिल्लिप्रसाद आचार्यले बताउनुभयो । पालिकाले आफ्नो बार्षिक नीति तथा कार्याक्रममा नै यो सडक कालोपत्रे गर्ने कार्यक्रम समाबेश गरेको थियो ।

यो सडक खण्डको करिब एक किलोमिटर खण्ड दशैँ अगाडी नै सम्पन्न हुने भनिएता पनि बर्षात र कोरोना भाइरसका कारण काम अघि बढ्न सकेको थिएन । तर यो महिना भित्र भने उक्त सडक कालोपत्रे भइसक्ने नगरपालिकाका प्रवक्ता आचार्यले जानकारी दिनुभयो ।

यसैगरी इन्द्रावतीको नदी जन्य पदार्थ उत्खनन ऐन संसोधन गरिने भएको छ । आज बसेको कार्यपालिकाको नियमित बैठकले इन्द्रावतीको नदी जन्य पदार्थ उत्खनन ऐन संसोधन गर्ने निर्णय गरेको हो ।