धुलिखेल, २६ कात्तिकः काभ्रेमा २९ जना एकैदिन कोरोना भाइरस जितेका छन् । स्वास्थ्य कार्यालय काभ्रेका अनुसार आज एकैदिन २९ जना कोरोना भाइरस जितेका हुन् । यो संख्या जिल्लामा हालसम्म संक्रमित भएर निको हुनेको संख्या १५५३ पुगेको छ । जसमा ९६० जना पुरुष र ५९३ जना महिला रहेका छन् ।

काभ्रेमा आज १८ जनामा कोरोना भाइरस पुष्टि भएको छ । थपिएका नयाँ संक्रमितमा बनेपा नगरपालिकाका ४ जना पुरुष, ३ जना महिला, धुलिखेल नगरपालिकाका ३ जना पुरुष र १ जना महिला रहेका छन् ।

त्यस्तै पनौती नगरपालिकाका ३ जना पुरुष, २ जना महिला र मण्डनदेउपुर नगरपालिकाका २ जना महिला संक्रमित भएका छन् । योसँगै जिल्लामा कोरोना भाइरसबाट संक्रमण हुनेका संख्या २११९ पुगेको छ । जसमा १२६४ पुरुष र ५९३ जना महिला रहेका छन् ।

जिल्लामा कोरोना भाइरसको संक्रमणबाट मृत्यु हुनेको संख्या २७ पुगेको छ । होम आइसोलेसनमा ५०१ जना छन् भने अस्पतालको आइसोलेसनमा ३८ जना संक्रमित रहेका छन् ।