धुलिखेल, २१ कातिकः बनेपा नगरपालिकाको वडा नम्बर ६ कार्की गाउँदेखि गोसाँईस्थानसम्म सडक पिच भएको छ । धुलिखेल, रबिओपी, नगरकोट सडक खण्डको बनेपा नगरपालिका वडा नम्बर ६ र धुलिखेल नगरपालिका वडा नम्बर ३ को सिमाना देखी गोसाँईस्थानसम्म पिच सम्पन्न भएको हो ।

बागमती प्रदेश सांसद बसुन्धरा हुमागाई मार्फत प्राप्त ३ करोड बजेटबाट सडक पिच गरिएको धुलिखेल, रबिओपी, नगरकोट मोटर बाटो कार्की गाँउ खण्ड निर्माण सहयोग समितीका संयोजक भेषराज शाह ठकुरीले जानकारी दिनुभयो । यो वर्ष पिच र ढलान गरी १ किलो मिटरको काम सकिएको हो ।

प्रदेश सांसद हुमागाईले चुनावी घोषणापत्र अनुसार नै काम अघि बढेको भन्दै यो सडकलाई नगरकोटसम्म थप विस्तार गरेर पर्यटकीय मार्ग बनाउने काममा आफु सबै लाग्ने बताउनुभयो ।