धुलिखेल, १७ कात्तिकः सिन्धुपाल्चोक जिल्लाको लिसंखु पाखर गाउँपालिकाले १ प्रतिशत ब्याजदरमा ऋण लिन युवाहरुलाई आह्वान गरेको छ । पालिकाका प्रमुख प्रशासकीय अधिकृत पूर्णप्रसाद दुलालले आज एक सूचना जारी गर्दै यस्तो आह्वान गर्नुभएको हो ।
यस्तो ऋण बेरोजगार तथा बैदेशिक रोजगारीबाट फर्किएका लिसंखु पाखर गाउँपालिकाभित्रका ब्यक्तिले पाउनेछन् । इच्छुक युवाहरुले यहि कात्तिक २८ गतेसम्म पालिकाको कार्यक्रममा निवेदन दिनु पर्नेछ ।
आफ्नै गाउँठाउँमा उद्यम तथा ब्यवसाय गर्ने जोस जागर भएका तर ज्ञान, सीप र पूँजीको अभावमा ब्यवसाय सञ्चालन गर्न समस्या झेलिरहेका युवाहरुलाई लक्षित गरी यो कार्यक्रम लागु गरिएको पालिकाले जनाएको छ ।
प्रतिक्रिया