बनेपा २८ असोज :  काभ्रेको महाभारत गाँउपालिकामा जाने सबै मोटरबाटो दशैअघि खुल्ने भएको छ । अविरल वर्षाका कारण अबरुद्ध मोटरबाटो खुलाउने काम भैरहेको गाँउपालिका अध्यक्ष कान्छालाल जिम्बाले बताउनुभयो ।

अध्यक्ष जिम्बाका अनुसार गाँउपालिकाको केन्द्र जोड्ने सिपाली–बुढाखानी–बनखु–गोकुले धाप सम्म नै सडक सञ्चालन भईसकेको उहाँले बताउनुभयो । यस्तै भुमीचुली रजबास हुदै चार किल्ला जाने सडक पनि खुलाईसकिएको छ । यता महादेवटार हुदै सानो पोखरा–ठुलो पोखरा हुदै पात्ले सम्म पनी सडक संञ्चालनमा आएको छ । यस्तै बाँसपुर पट्टि बनखु–आले बस्पुर–राङ्चा–रामपुर सडक पनि खुलाउने काम अन्तीम चरणमा पुगेको छ ।

तल्लो बाटो राङ्चा हुदै गलटार सम्म जाने सडक र साँझकोटा हुदै गोकुले सम्मको सडक पनी केही दिनमै खुल्ने अध्यक्ष जिम्बाले बताउनुभयो । दशै अघि गाँउपालिका क्षेत्रका सबै अबरुद्ध सडक खुलाउने गरि काम भईरहेको अध्यक्ष जिम्बाको भनाई छ ।