धुलिखेल १७ असोज : काभ्रेमा थप २४ घण्टामा २६जनालाई कोरोना संक्रमण पुष्टि भएको छ । शनिबार संक्रमणहुनेहरुमा धुलिखेलका ५ पुरुष र ३ महिला, पनौतीका १ पुरुषर १ महिला, बनेपाका ७ पुरुष र ५ महिला रहेका छन् ।

यस्तै पाँचखालका १ पुरुष र १ महिला,मण्डनदेउपुर नगरपालिका र चौरीदेउराली गाँउपालिकाका १÷१ जना पुरुषमा कोरोना संक्रमण पुष्टि भएको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले जानकारी दिनुभयो । यो संगै जिल्लामा कोरोना संक्रमितको संख्या करिब सात सय पुगेको छ । स्वास्थ्य कार्यालय काभ्रेले दैनिक उपलब्ध गराउने बिवरण अनुसार जिल्लामा संक्रमितको संख्या ६९९ पुगेको छ ।

यस्तै ४४६ जना भने उपचार पछि निको भएर घर फर्किएका छन् । शनिबार सम्मको तथ्याङ्क अनुसार जिल्लामा २४६ जनासक्रिय संक्रमित छन् । उनीहरु मध्ये १५९ जनाको अस्पताल आईसोलेसनमा उपचार भईरहेको छ भने ८७ जना होमआईसोलेसनमा रहेको डाक्टर झाले बताउनुभयो ।

हाल सम्म जिल्लामा भाईरसको संक्रमण बाट ११ जनाको मृत्यृ भईसकेको छ । उनीहरु मध्ये ४ जना बहिरी जिल्लाका हुन् । यस्तै जिल्लाको १३ ओटा स्थानीयतह मध्ये आज चार ओटा स्थानीय तहमा कोरोना संक्रमित देखीएको छैन । बेथानचोक, तेमाल, महाभारत र खनीखोला गाँउपालिकामा नयाँ संक्रमित नदेखीएको हो ।