तेमाल १५ असोज : काभ्रेको तेमाल गाउँपालिका वडा नम्बर ९ मैनाजाङमा सामुदायिक स्वास्थ्य इकाई केन्द्रले नयाँ भवन पाएका्े छ ।

स्वास्थ्य ईकाई केन्द्रको गाउँपालिका अध्यक्ष सलाम सिं तामाङले उद्घाटन गर्नुभएको तेमाल गाउँपालिकाका प्रवक्ता ज्ञानबहादुर तामाङले बताउनु भयो । प्रवक्ता तामाङका अनुसार भरखरै निर्माण भएको पक्की भवन ६ कोठाको रहेका छन् । गाउँमै सामुदायिक स्वास्थ्य इकाई केन्द्रको भवन निर्माण भएपछि स्थानीयले सहजै स्वास्थ्य सेवा लिन पाउने गाउँपालिकाका स्वास्थ्य शाखाका संयोजक शिवहरी पाठकले बताउनुभयो ।

भवन निर्माणको लागि संघीय सरकारले शसर्त बजेट अन्तर्गत ३३ लाख २० हजार रुपैयाँ बजेट विनियोजन भएको प्रमुख प्रसाशकिय अधिकृत लक्ष्मण कुईकेलले बताउनु भयो । सुविधा सम्पन्न स्वास्थ्य ईकाई भवन पाएपछि स्थानीय खशी भएका छन् ।