धुलिखेल १५ असोज काभ्रेमा थप ८ जनामा कोरोना भाइरसको संक्रमण पुष्टि भएको छ । नमोबुद्धनगरपालिकाका ४ जना पुरुष, बनेपा नगरपालिकाका २ जना महिला, धुलिखेल नगरपालिकाका १ जना पुरुष र पनौतीका १ पुरुषमा कोरोना भाइरसको संक्रमण भएको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले जानकारी दिनुभयो ।

योसँगै जिल्लामा संक्रमित हुनेको संख्यमा ६ सय ३८ पुगेको छ । उनीहरु मध्ये ४ सय १२ जना पुरुष र २ सय २६ जना महिला छन् । बुधबार जिल्लाका १४ जना कोरोना संक्रमित उपचार पछि घर फर्किएका छन् । हालसम्म जिल्लमा निको हुनेको संख्या ४ सय २३ पुगेको छ । जिल्लामा अझै १ सय ९९ जना सक्रिय संक्रमित रहेका छन् ।

उनीहरुमध्ये अस्पताल आइसोलेसनमा १ सय २९जना र७० जना होम आइसोलेसनमा रहेको डाक्टर झाले बताउनुभयो ।