धुलिखेल ५ असोज : काभ्रेमा आज ११ जनामा कोरोना संक्रमण पुष्टि भएको छ । सोमबार थपिएका संक्रमितहरुमा बनेपा नगरपालिकाका १ जना पुरुष, धुलिखेल नगरपालिकाका १ जना पुरुष र ३ जना महिला, नमोबुद्ध नगरपालिकाका १ जना पुरुष, पाँचखाल नगरपालिकाका २ जना पुरुष र भुम्लु गाउँपालिकाका ३ जना पुरुष रहेको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले बताउनु भयो ।

डाक्टर झाका अनुसार काभ्रेमा संक्रमित हुनेहरुको संख्या ४ सय ६९ पुगेको छ । जसमा २ सय ८६ जना पुरुष र १८३ जना महिला रहेका छन् ।

यसैगरी सोमबारसम्ममा ३ सय १२ जना उपचारपछि निको भएर घर फर्किएका छन् । सक्रिय संक्रमितको संख्या १ सय५३ रहेको छ । यसैगरी अस्पताल आईसुलेसनमा रहनेको संख्या ९४ जना छन् भने ६७ जना होमआईसोलेसनमा रहेका छन् ।