धुलिखेल, ३० भदौँः काभ्रेमा आज २४ जना कोरोना संक्रमित थपिएका छन् । थपिनेमा सबैभन्दा बढी धुलिखेल नगरपालिकामा १४ जना रहेका छन् । स्वास्थ्य कार्यालय काभ्रेका प्रमुख नरेन्द्र कुमा झाका अनुसार धुलिखेलमा ७ जना महिला र ७ जना पुरुष गरी १४ जनामा कोरोना संक्रमण पुष्टि भएको छ ।

पाँचखालमा ३ जना पुरुष र १ महिला, बनेपामा २ जना पुरुष र १ महिलामा कोरोना संक्रमण देखिएको छ । त्यस्तै पनौती नगरपालिकामा १ जना पुरुष, नमोबुद्धमा १ जना पुरुष र चौरीदेउराली गाउँपालिकामा १ महिलामा कोरोना पुष्टि भएको स्वास्थ्य कार्यालय काभ्रेले जनाएको छ ।

यो सँगै काभ्रेमा कोरोना संक्रमितको संखया ४१५ पुगेको छ । २८१ ज्ना निको भएका छन् । कोरोना संक्रमणबाट ३ जनाको मृत्यु भएको छ । अस्पतालका आइसोलेसनमा ८९ रहेका छन् भने ४२ जना होम आइसोलेसनमै रहेको स्वास्थ्य कार्यालय काभ्रेले जनाएको छ ।