धुलिखेल, २९ साउनः काभ्रेको मण्डनदेउपुर नगरपालिकाले संक्रमितको सम्पर्कमा रहेको सबैलाई पीसीआर गराउन सम्पर्कमा आउने आग्रह गरेको छ । नगरपालिकाले कोरोना संक्रमित वडा नम्बर १२ का वडाध्यक्षको सम्पर्कमा एकहप्ताभित्र पुगेको सबै ब्यक्तिहरुलाई इमान्दारीपूर्वक आफ्नो नाम, थर, ठेगाना र सम्पर्कको ब्यहोरा सहित सीआईसीटीटीको सम्पर्कमा आउने भनेको छ ।

त्यस्तै नगरपालिकाले वडा नम्बर ५ चापाबोट टोलमा समेत संक्रमण देखिएपछि वडा नम्बर ५ र ६ मा सिल गरिएको छ । नगरपालिकाले चापाबोट क्षेत्रमा बाहिर कुनै पनि मान्छेलाई नआइदिन आग्रह गरेको छ । घर बाहिर अत्यावश्यक काम परे वडाका वडाध्यक्ष र स्वास्थ्य संस्थामा सम्पर्क गर्न नगरपालिकाले आग्रह गरेको छ ।