धुलिखेल २५ साउन : काभ्रेको बनेपा नगरपालिकावडा नम्बर ७ गोदामचोक बस्ने १२ वर्षिय बालकलाई कोरोना संक्रमण पुष्टी भएको छ ।

सर्लाही घर भई हाल बनेपाको गोदाम चोकमा व्यापार गर्दै आएका व्यापारीकाे छोरामा कोरोना रिर्पोट पोजिटिभ आएको बनेपा नगरपालिकाका स्वास्थ्य संयोजक सत्यस्वर मकै श्रेष्ठले बताउनुभयो । उहाँका अनुसार बालकलाई उपचारको लागी धुलिखेल अस्पताल ल्याईएको छ । यो संगै जिल्लामा संक्रमितको संख्या ४१ पुगेका छन् ।

काभ्रेमा २७ जना कोरोना उपचारपछि घर फर्किएका छन् । १४ जनाको आईसोलेसनमा उपचार भईरहेको स्वास्थ्य कार्यलय काभ्रेका प्रमुख डाक्टर नरेन्द्रकुमार झाले बताउनुभयो । हाल जिल्लाको विभिन्न क्वारेन्टाईनमा गरी एक सय ३० जना रहेका छन् । जसमा ११४ जना पुरुष छन् भने १६ जना महिला छन् ।