धुलिखेल, १३ साउनः विश्वब्यापी महामारीको रुपमा रहेको कोरोना भाइरसको संक्रणमबाट नेपालमै पहिलो पटक मृत्युको सूचीमा आफ्नो नगरपालिकाभित्रको नागरिक पर्दाको पिडा थिदैँ थियो । जे नहुनु थियो भई हाल्यो । मृतकको परिवारलाई धुलिखेल अस्पतालबाट गाउँ लैजाने देखि गाउँमा सुरक्षित राख्ने काममा समेत उपप्रमुख सुशिला पाख्रिन अग्रपंक्तिमै खटिइन् ।

प्रदेशका सामाजिक विकास मन्त्री युवाराज दुलाल स्वास्थ्यकर्मीको टोली लिएर मृतकका गाउँ पुग्दा पनि समन्वयको काम उनै उपप्रमुखले गरिन् । अन्य नगरबासीमा कोरोना भाइरस नफैलियोस भन्नका लागि विभिन्न रणनीतिहरु बनाइयो । समुदायमा फैलनबाट हालसम्म जोखिएकै छ ।

लगभग कोरोना भाइरसको संक्रमण नियन्त्रणमै थियो । तर अर्को विपत्ती थपियो । असार २५ गतेको त्यो रात । अविरल वर्षका कारण नगरपालिकाका विभिन्न ठाउँमा ठूलो धनजनको क्षति भयो । खास गरी वडा नम्बर ५ जम्बुमा ठूलो मानवीय र भौतिक क्षति भयो । २० जना अझै बेपत्ता छन् ।

तर पनि बाचेकालाई उद्दार गरी पुनस्थापना गर्न नगरपालिकाले कुनै कसर बाँकी राखेको छैन् । प्रमुख निमफुञ्जो शेर्पा र उपप्रमुख पाख्रिनले दिनरात भनेका छैन् । बाढी पहिरो पीडितको सेवामा समर्पित भएर लागिपरेका छन् । उपप्रमुख पाख्रिन पीडितहरुको बस्ती, बस्ती, घर, घरमा पुगेर समस्या बुझ्ने र राहत वितरण गर्ने काममा दिलो ज्यान दिएर खटिरहेकी छन् ।

विभिन्न संघसंस्था राहत वितरणका लागि आइपुग्छन् । उनीलाई समन्वय गरेर कुन गाउँमा के आवश्यक छ त्यसको पहिचान गर्ने र आफै त्यो बस्तीमा पुगेर दुःखमा साथ उपप्रमुख पाख्रिनले दिइरहेकी छन् । प्रभावितलाई साच्चैको घर दैलोको सरकारको अनुभूति गरिरहेका छन् । उपप्रमुख पाख्रिनको खटाई साच्चैको लोभलाग्दो छ ।

अझ भनौ जनप्रतिनिधिहरुमा उपप्रमुख पाख्रिनको खटाई सह्रनीय नै छ । विपद्का बेला बृद्धबृद्धा, असहाय, अपांगता भएका ब्यक्तिलाई पहिलो प्राथमिकता दिनुपर्छ । यो सिद्धान्तलाई पनि उपप्रमुख पाख्रिनले पालना गरेकी छन् । धेरैको घरबार घुमेको छ । उनीहरुको तत्कालै घर त बनाउन सम्भव नहोला । तर विपद्का बेला जुझारु जनप्रतिनिधि चाँहिन्छ भन्ने उदाहरण बाह्रबिसे नगरपालिकाका प्रमुख शेर्पा र उपप्रमुख पाख्रिन बनेका छन् । सबै संयन्त्रलाई परिचालित गरेर दुखित घाउमा मोलमपट्टी लगाउन उनीहरु सफल भएका छन् ।