धुलिखेल ९ साउन : काभ्रेको चौरीदेउराली गाउँपालिका वडा नं ८ ले किसानलाई बाँदर धपाउन मङ्की एयर गन वितरण गरेको छ ।

गाउँपालिकाको भल्वाटी, पाटीगैरी, पँचुवारघाट लगायतका खेतबारीमा बाँदरले अन्नबाली खाना थालेपछि बाँदर धपाउन मङ्की एयर गन वितरण गरेको हो । वडा अध्यक्ष धनबहादुर लामाका अनुसार किसानको गुनासोलाई ध्यानमा राखी राष्ट्रिय आविष्कार केन्द्रले निमार्ण गरेकोे बाँदर धपाउने यन्त्र वडामा ५ थान वितरण गरेका छन् ।

एउटाको मुल्य २५ सय भएपनि वडाले किसानहरुलाई निःशुल्क वितरण गरेको हो । यसको उपयोगिता हेरेर थप अन्य किसानलाई समेत यन्त्र उपलक्ध गराउने योजना रहेको वडा अध्यक्ष लामाले बताएका छन् ।