धुलिखेल, ७ साउनः काभ्रेमा पनि सार्वजनिक यातायातका साधन चल्न थालेका छन् । धुलिखेल, बनेपा, भकुण्डे, पाँचखाल लगायतका ठाउँबाट साँगासम्म बस चल्न थालेका हुन् ।

काभ्रे बस ब्यवासयी संघ, काभ्रे मिनी बस ब्यवसायी संघ र हिमाल तराई यातायात समितिले औपचारिक निर्णय नगरेपनि बस ब्यवसायीहरुले धमाधम बस सञ्चालन गरेका हुन् । बसमा खचाखच यात्रु देखिन्छन् । स्वास्थ्य सुरक्षाको मापदण्ड भने पालना नगरेको भन्दै आलोचना पनि हुन थालेको छ ।

मापडण्द अनुसार कुल बस क्षमताको आधाभन्दा बढी यात्रु बोक्न पाइदैन । तर ब्यवसायीहरुले उभ्याएर यात्रु बोकिरहेका छन् । प्रहरी प्रशासनले खास निगरानी राख्न सकेको छैन् । यात्रुहरुले पनि सुरक्षाको कुनै पनि सावधानी अपनाइएको पाइदैँन् ।