धुलिखेल, ६ साउनः काभ्रेको अति दुर्गम चौरीदेउराली गाउँपालिका स्थित धुसेनी शिवालय प्राथमिक अस्पतालमा एक्सरे मेसिन जडानको काम सकिएको छ । एक्सरे मेसिन जडानको काम सकिए पनि अर्को सञ्चालन भने अर्को हप्तादेखि मात्रै आउन अस्पतालका प्रमुख राजु चौलागाईले जानकारी दिनुभयो ।

गाउँपालिकाको आर्थिक सहयोगमा एक्सरे मेसिन जडान गरिएको हो । १५ बेडको अस्पतालमा एक्सरे मेसिन नहुदाँ स्थानीयलाई धुलिखेल, बनेपा लगायतका ठाउँमा रहेका अस्पताल आउनु पर्ने बाध्यता थियो । तर अब त्यो बाध्यता हटेको प्रमुख चौलागाईले बताउनुभयो ।

धुसेनी शिवालय अस्पतालमा आकस्मिक कक्षमा तीन वटा, सुत्केरी कक्षमा तीन वटा र ९ वटा वार्डमा बेड रहेका छन् । अस्पतालमा डाक्टरको नेतृत्वमा १५ जना स्वास्थ्यकर्मीकाे टोली रहेको छ । एक्सरे मेसिन सञ्चालनमा आएपछि हात खुट्टा बाँचिएको हो वा होइन पत्ता लगाउन सकिने प्रमुख चौलागाईले बताउनुभयाे ।