धुलिखेल, २ साउनः बेथान्चोक गाउँपालिकाको वडा नम्बर २ ढुँखर्ककाका उद्यमीलाई मेसिन हस्तान्तरण गरिएको छ । बिन्दबासिनि पिठो तथा राइस मिल उद्योगलाई चामल तथा पिठो पिध्ने मेशिन हस्तान्तरण गरिएको हो ।

घरेलु तथा साना उद्योग कार्यलयले ५० हजारको मेसिन हस्तान्तरण गरेको छ । आर्थिक बर्ष २०७६/७७ मा ९२ वटा मेशिनरी सामाग्री वितरण गर्ने कार्यक्रम रहेकोमा अहिले सम्म ८५ वटा वितरण गरिएको छ ।

खरिद प्रक्रिया सक्किए पनि प्राविधिक कारणले सम्बन्धित ठाउँमा पुर्याउन नसकिएको घरेलु तथा साना उद्योग कार्यलयका उद्योग अधिकृत केशबप्रसाद पुडसैनिले जानकारी दिनुभयो । गत आर्थिक बर्षमा ३१ लाखको मेशिनरी सामाग्री हस्तान्तरण गरिएको छ ।