धुलिखेल, २६ असारः काभ्रे प्रहरीले माक्स नलगाई हिड्ने ४१५ जनालाई कारबाही गरेको छ । जिल्ला कमाण्ड पोष्टले दिएको जानकारी अनुसार जिल्लाको विभिन्न स्थानहरुमा प्रहरीले कारबाही गरेको हो ।

कारबाही पर्नेमा २ सय ३९ जना पुरुष र १ सय ८० जना महिला रहेका छन् । उनीहरुलाई प्रहरीले केहिबेर नियन्त्रणमा लिइ सम्झाई बुझाई छाडेको छ । जिल्ला प्रशासन कार्यालय कार्यालय एक सुचना जारी घर बाहिर निस्कदा अनिवार्य मास्क लगाउन उर्दी जारी गरेको थियो ।

यसैबीच जिल्लामा क्वारेन्टाइन बेड संख्या ८५१ पुर्याइएको छ । सबैभन्दा बढी धुलिखेल नगरपालिकामा १ सय ५२ र सबैभन्दा कम जिल्लाको डाँडापारी क्षेत्रमा पर्ने खानीखोला गाउँपालिकामा २४ वेडको क्वारेन्टाइन रहेको जिल्ला कमाण्ड पोष्टले जनाएको छ । आज जिल्लाको विभिन्न क्वारेन्टाइनमा १ सय ४२ जना रहेका छन् ।