धुलिखेल, २६ असारः सिन्धुपाल्चोकको भोटेकोशी गाउँपालिका वडा नम्बर २ तातोपानीमा अविरल बर्षासँगै आएको पहिरोले तीन घरमा क्षति पुर्याएको छ । वडाध्यक्ष दिपेन्द्र कुमार श्रेष्ठका अनुसार खहरे र खाल्साहरुमा आएको लेदोले घरमा क्षति पुगेको हो ।

लार्चा खोलाले समेत एक जना बगाएको अपुष्ट खबर पाएको वडाध्यक्ष श्रेष्ठले जानकारी दिए । गाउँमा टेलिफोन सम्पर्कमा समेत टुटेकाले वास्तविक विवरण आउन मुस्किल परेको छ ।

भैरवकुण्ड हाइड्रो पावरमा समेत क्षति पुगेको बताइएको छ । हाइड्रो पावर रहेको क्षेत्रमा १५÷२० धुरी घर रहेको र त्यो बस्ती पनि खोजिममा रहेको वडाध्यक्ष श्रेष्ठले बताए । केहिदिन अघि पनि हाइड्रो पावर रहेको ठाउँमा पहिरो खसेको बताइएको छ ।