धुलिखेल, २३ असारः पाँचखाल नगरपालिकाले नगरपालिका भित्रका छात्राहरुको लागि स्यानेटरी प्याड वितरण सुरु गरेको छ । नगरपालिकाका भित्रका ६ देखी १०कक्षा सम्म अध्ययन गर्ने छात्राहरुको लागि २ महिना सम्म पुग्ने स्यानेटरी प्याड वितरण गर्न लागिएको हो ।

स्यानेटरी प्याड खरिदको लागि प्रदेश सरकारबाट २० लाख बजेटबाट प्रात भए पनि साडे ९ लाखको मात्र प्याड खरिद गरिएको छ । लकडाउनको कारण समयमा काम नसकिएकाले बाँकी पैसा फिर्ता पठाउनुपरेको उपप्रमुख लक्ष्मी दनुवारले जानकारी दिनुभयो ।

आजबाट १८ वटा विद्यालयका करिब ४२ सय भन्दा धेरै छात्राको लागि प्याड दिन सुरु गरिएको छ । नगरपालिकाले यस अघि नै १८ वटा विद्यालयका छात्रालाई ५ लाखको वातावरण मैत्री प्याड वितरण गरिसकेकोछ ।