धुलिखेल, २३ असारः काभ्रेको बेथाञ्चोक गाउँपालिकामा अपङ्गता भएका ब्यक्तिलाई सहायक सामग्री वितरण गरिएको छ । आज वडा नम्बर ५ च्यासिंखर्कका पनि अपङ्गता भएका ब्यक्तिलाई पनि सेतो छडी, लठ्ठी र बाख्रा वितरण गरिएको छ ।
१० वटा लठ्ठी, दुईजनालाई सेतो छडी र तीन जनालाई बाख्रा खरिदका लागि नगद प्राप्त भएको वडाध्यक्ष खजेन्ची लामाले जानकारी दिनुभयो । पालिकाको आर्थिक सहयोगमा नेपाल महिला अपाङ्गसंघ काभ्रेले सामग्री वितरण गरेको हो ।
यसअघि वडा नम्बर १, २, ३ र ४ का अपाङ्गता भएका व्यक्तिहरूलाई सामग्री वितरण गरिएको थियो । सामग्री वितरण कार्यक्रममा बोल्दै उपाध्यक्ष सरिता लामिछानेले फरक क्षमता भएका ब्यक्तिलाई सम्मान गर्ने बताउनुभयो ।
प्रतिक्रिया