धुलिखेल, २२ असारः पाँचखाल नगरपालिकाले नगरपालिका भित्रका ४० जना किसानलाई हात्ते ट्याक्टर वितरण गरेको छ । वडा नं १० र १२ का ४० जना किसानलाई ५० प्रतिशत अनुदानमा हात्ते ट्याक्टर वितरण गरिएको हो ।
‘गरिबसँग विशेश्वर’ कार्यक्रम अन्र्तगत वडा नं १२ मा गठित महिला समुहका १४ जना किसानलाई हात्ते ट्याक्टर वितरण गरिएको उपप्रमुख लक्ष्मी दनुवारले जानकारी दिनुभयो । बाँकी रहेको २६ वटा ट्याक्टर दुबै वडाका १३÷१३ जना किसानले पाएका छन् ।
ट्याक्टर खरिदको लागि नगरपालिकाले ८ लाख रुपैँया विनियोजन गरेको थियो । वास्तविक किसान, जग्गा भाडामा लिएर खेती गरिरहेका किसान र आफ्नै खेतबारी सबै कमाएका किसानलाई हात्ते ट्याक्टर वितरण गरिएको उपप्रमुख दनुवारले बताउनुभयो ।
प्रतिक्रिया